zER ARI DA GERTATZEN GURE TRENAREKIN?

13/02/2021

Bidari garraioaren oraingoa eta etorkizuna Espainian.

"Europe on Rail" l proiektuaren barnean, Eco-union eta Ecodes -Fundación Ecología y Desarrollo, egundoko txostena aurkeztu dute.

Honen helburua, Espainiako trenbide garraio nazionala eta internazionala sendotzeko neurriak eta politikak bultzatzea da.

#EuropeOnRail 🚃


Artikulua ➡️ http://bit.ly/3tUSyJC


04/02/2021

2021, Trenbidearen Europako Urtea

Europako Parlamentuak, pasa den abenduaren 15ean, Batzordearen proposamen bat onartu zuen. Bertan 2021a Trenbidearen Europako Urtea izango zela esaten zen. #Ekologikoa eta seguruena delako.

+Info. 👉 http://bit.ly/3rh1vuD

Interesako artikulua Deia 👉 https://bit.ly/2MlRFZX

#EUYearOfRail

30/01/2021

"Aldaketa garaia - Zaldibar Gogoratuz"

#U30ALDAKETALDIArekin bat egiten dugu garraio publiko irisgarri eta kalitatezkoa lortzeko.

Larrialdi klimatiko, ekologiko eta sozialaren egoera larria salatzeko.

Bidezkoa den trantsizio ekologiko eta sozial baterako.

Gogoratu alternatibak HEMEN hasten direla.

21/01/2021


Berria gara!

Atzo, Tele7 Radio7k gure herriek bizi duten egoera zailaren berri eman zuen, Renfe eta Adif-en kudeaketa txarra dela medio.

Gero eta gehiago gara, gero eta gehiago entzuten zaigu. Iñigo Urkullu, Miguel Ángel Revilla, Noiz entzungo diguzue?

04/12/2020

Dagoeneko iragarri dezakegu 2021eko Aurrekontu Orokorretan Santander-Bilbo lineako zati bat elektrifikatzeko partida bat sartuko dela. Albiste ona, mobilizazioekin entzutea lortu dugula erakusten du!

Baina Plataforma ez da geldirik geratuko, adi egongo gara, eta bide osoa elektrifikatzea, maiztasun gehiago, zerbitzuaren kalitate handiagoa eta irisgarritasuna bermatuko duten tren berriak eskatzen jarraituko dugu.

Aste honetan amaitu dira Estatuko Aurrekontu Orokorren negoziazioak Kongresuan. Dirudienez, zuzenketekin batera, 1,2 milioiko partida bat onartu da Bizkaiko zatian, Santander-Bilbao trenbidea elektrifikatzeko, EAJk eta EH Bilduk babestu zuten proposamena.

Trenbidearen elektrifikazioa Enkarterriko eta Kantabriako herritarrok aspalditik egin dugun erreklamazioa da, eta esan dezakegu partida honekin urrats txiki bat ematen dela linea hobetzeko, baina ez da nahikoa, Karrantzatik Santanderrerako tartea egoera txarrean jarraituko baitu.

Plataformatik pozik gaude zuzenketa hau onartu delako, horrek esan nahi baitu Santander-Bilbao trenaren defentsaren aldeko plataformaren mobilizazioak agendan jarri duela erreklamazioa. Antolaketak, mobilizazioak, merezi du. 7.000 sinadura baino gehiago, udaletako mozioak, batzarrak eta topaketak entzun ditugu.

Baina urrats hori ez da nahikoa, beste askorekin batera ez badator. Bide osoa elektrifikatzeko eskatzen jarraitzen dugu (Karrantzatik Santanderrerako tartea barne), maiztasun gehiago, zerbitzuaren kalitate handiagoa eta tren berriak.

Irisgarritasuna bermatu.

Gainera, zoritxarrez, linea elektrifikatzeko aurrekontuetan partida bat sartzea beharrezkoa da, baina horrek ez du esan nahi egingo denik; adibidez, gogora dezagun Zorrotzan trenbidea lurperatzea aurreko aurrekontuetan sartu zela, baina obrak ez direla hasi ere egin. Hori dela eta, adierazi nahi dugu adi egongo garela partida hau gauzatzeari buruz, eta ahalik eta lasterren bete dadila eskatuko dugu.

Baina, gainera, nahiz eta egin, horrek ez du bermatzen zerbitzuaren hobetzea, ez maiztasuna, ez trenaren kalitatea. Horregatik, borrokan jarraituko dugu gure eskualdeentzat ezinbestekoa den zerbitzu publikoa berreskuratzeko. Maiztasunak eta zerbitzua hobetzeko borondate politikoa baino ez da behar, eta eskatzen jarraituko dugu. Kantabrian eta Bizkaian, premiazkoa da arlo soziala eta jasangarria lehenestea, bizirik dauden herriak defendatzeko.

Urratsez urrats… Garraio publiko duina eta kalitatezkoa eskatzen jarraituko dugu, inguruko hainbat udalek eta hainbat alderdi politikok egiten duten bezala. Ezberdintasun politikoek ez diezagutela bista lausotu eta eskubidez behar genukeena lor dezagun.

Garraio publiko sozial eta jasangarriaren alde lanean jarraitzen dugu!

Santander-Bilbo linearen hobekuntza!

25/10/2020

7118 sinadurak bildu ditugu Santander-Bilbao herrialdeetan eta jada bidalita daude. Prest gaude beraiekin biltzeko ea espero dugu neurriak har ditzatela arazoak konpontzeko.

Leku hauetara bidali ditugu:

▪️ Eusko Jaurlaritza

▪️ Bizkaiko Foru Aldundia

▪️ Gobierno de Cantabria

▪️ Defensor del Pueblo

▪️ José Luis Ábalos, Ministro Gobierno de España

▪️ Ministerio para la Transición Ecológica y el Reto Demográfico

▪️ Renfe

▪️ Adif